- Sa kabila ng matinding pangangailangan, hindi niya pinag-interesan ang laman ng napulot na pitaka
- Humihingi na ng tulong ang lalaking nag-viral dahil na-ospital siya sahil sa sakit na goiter at dahil walang-wala siyang kapera-pera, lakas loob siyang kumakatok sa mga puso ng taong maaring makatulong sa kanya
Nitong Abril, umani ng papuri ang lalaking si Jheonathan Romasanta matapos na isauli niya ang napulot na wallet ni Charlon Ignacio.
Nalaman ng KAMI na palaboy at walang trabaho si Jheonathan ngunit hindi niya pinag-interesan ang laman ng pitaka.
Mas lalo siyang hinangaan nang malamang mayroon pala siyang iniindang sakit na hindi nabibigyan ng medikal na atensyon subalit nangibabaw pa rin ang paggawa niya ng mabuti.
Maayos na naibigay kay Charlon ang wallet kaya naman binahagi niya ang kwento ng katapatan ni Jheonathan.
Ngunit matapos ang mahigit na isang buwan, lakas loob na nagkomento si Jheonathan sa post ni Charlon tungkol sa kanya.
Dumidiskarte lamang ng pagiging parking attendant si Jheonathan kaya wala raw siyang maipampagamot sa sarili.
Mapapansing mas pumayat na nga ito kumpara sa larawan niya nang magsauli siya ng wallet ni Charlon.
Hangad ng netizens na marami ang makatulong sa matapat na lalaking para gumaling na rin siya sa kanyang karamdaman.
Source: MSN
0 comments:
Post a Comment